以前公司喺觀塘舊式工廈，因為佔幾層樓，又成日要上上落落辦房，所以使用後樓梯嘅情況比其他公司頻繁，等𨋢反而仲耐。
某次如常行後樓梯，聽到下面傳嚟喊聲，個心即時離一離，戰戰競競行落多一層望望，見到有個女仔踎喺牆角喊緊，好在當時已經有兩個我識得嘅公司女同事安慰緊佢，咁我唔知前文後理，問咗句使唔使幫忙，唔使就行開先，始終嗰度全女班，有個男仔未必方便。
後來了解返，踎喺牆角喊嘅女仔係樓下另一間公司嘅人，佢工作上遇到唔開心，情緒有啲失控，我兩個女同事本身都係去辦房，聽到喊聲所以行落去睇，最後佢哋安慰咗個女仔20分鐘，見對方冷靜咗先放心離開。
或者呢啲就係成年人嘅崩潰。
https://hkofficedaily.com/?p=16786
Search